Det er godt å vere saman med andre som er i same livssituasjon, og for foreldre i barselpermisjon er det viktig å kome seg ut og treffe andre. Dette treffet verkar som eit lite avbrekk i kvardagen der foreldre med små barn møtast for leik og erfaringsutveksling. 

Treffet er på Havila Hotel Raftevold kvar måndag kl 11, med unntak av enkelte måndagar då det vert arrangert babysong med Oline Løvlid på omsorgssenteret. Desse datoane vert annonsert på facebooksida "Småbarnstreff i Hornindal". Vi har også sporadiske besøk av heløsesøster Mary Anne Espe, der ho tek opp aktuelle tema og svarar på spørsmål.

Velkomne alle foreldre med små born og eldre syskjen.